(Presented by 康文署)

提起每个地方嘅历史,一定唔可能忽略「建筑物」呢一项。建筑代表咗一个地方嘅历史脉络、社会变迁、人物风情等。艺术推广办事处今次筹划「邂逅! 老房子 」艺术计划,希望大家重新思考旧建筑物空间使用嘅可能性,艺术家们更喺旧有屋子上加上设计同全新布置,依家就由佢地带领大家邂逅香港以下 4 个历史价值极高嘅 老房子 !

石家豪 x 孙中山纪念馆

石家豪喺坚尼地城长大,自小游走中西区,同孙中山纪念馆结下缘份。石家豪中学读英皇书院,第一次入甘棠第就觉得同自己校园好似,同样係历史幢殖民地时期嘅历史建筑,最熟悉嘅係当然係红砖嘅建筑设计,份外亲切。

要活化充满历史档案同文物嘅孙中山纪念馆,对于艺术家嚟讲,最大嘅问题係视觉太单一。佢喺孙中山纪念馆添置富不同时代风格嘅屏风,当中包括清代同治时期瓷器嘅广彩图案、19 世纪夏威夷嘅俗画、维多利亚时期嘅墙纸装饰等特色风格,希望可以带领观众从呢啲色彩丰富文化符号,重新认识革命历史喺现今社会嘅意义。

艺术家 X 老房子 带你邂逅经典建筑
石家豪嘅屏风带大家从另一角度睇孙中山嘅历史。
艺术家 X 老房子 带你邂逅经典建筑
佢为孙中山纪念馆添置咗富不同时代风格嘅屏风。

林岚 x 三栋屋博物馆

拥有四分一满州血统嘅福鼎人林岚12岁跟父母嚟到香港,同客家人一样都係香港嘅「客」。呢座 老房子 令佢谂起客家人同自己嘅移民故事,佢希望可以喺 老房子 入面营造一种亲切感,令参观者感受咩係「客」嘅感觉。

为咗重现陈氏家族昔日喺三栋屋嘅生活片段,林岚透过多个艺术装置呈现,同时亦结合咗客家人嘅移民故事同个人经历,创作咗一段南音音乐,当中体现非物质文化遗产嘅现代承传,非常特别。

 

艺术家 X 老房子 带你邂逅经典建筑
林岚创作咗同「水」有关嘅装置,讲述三栋屋嘅昔日故事。
艺术家 X 老房子 带你邂逅经典建筑
呢个人形剪影嘅展品环保又有创意。

林东鹏 x 王屋村古屋

林东鹏3岁起已经喺沙田住,佢形容沙田係香港其中一个「城乡并存」嘅地区,王屋嘅存在就好似文章嘅标点符号,调节住城市嘅节奏,连接起沙田嘅古今历史。

透过由唔同地方收集得到嘅旧家具,林东鹏希望参观者有一种似曾相识嘅感觉,从而回想自己嘅过去,重新探索历史。佢将王屋村古屋呢个老房子,变成一个「可阅读」同「可徘徊观看」嘅互动空间。

艺术家 X 老房子 带你邂逅经典建筑
旧家具带畀观众一种似曾相识嘅感觉。
艺术家 X 老房子 带你邂逅经典建筑
屋外嘅小木屋好精緻!

黄丽贞 x 罗屋民俗馆

黄丽贞一直喺柴湾返工,罗屋民俗馆係港岛东区少有嘅古老建筑。喺「 老房子 」计划下,佢认识到客家妇女刻苦耐劳嘅精神,于是尝试将有别于传统汉族妇女嘅精神特质同行为模式喺老房子中重现,从而向客家妇女致敬。

佢将罗屋民俗馆嘅房间重新设计,最特别係将新嘅家具同白瓷造嘅衣物加入原有陈设之中。另外黄丽贞团队成员陈翘康仲将客家帽变成一个个凉亭,放喺罗屋门前空地,为观众遮风挡雨,创意十足!佢希望参观者可以穿梭古今,了解更多客家精神,思考点样同呢类老建筑连结。

艺术家 X 老房子 带你邂逅经典建筑
黄丽贞透过作品,向客家妇女致敬。
艺术家 X 老房子 带你邂逅经典建筑
黄丽贞希望大众认识到客家古今文化,了解更多客家精神。

详情:邂逅! 老房子

网址: http://www.lcsd.gov.hk/CE/Museum/APO/zh_TW/web/apo/hi_houses.html

Facebook专页: http://www.facebook.com/apo.hihouses

入场费:免费

上一篇: 下一篇:
随机文章Random article
图文排行Image & Text rank